Dedicated to all in the IT field

Projects ki es daud me daud ke karna kya hai?
Jab yehi jeena hai doston to phir marna kya hai?
8:15 hote hi bus chhoot jaane ki fikr hai
Bhul gaye 9 baje tak sonaa kya hai?
Projects ke deadlines ka saara haal hai malum
par gharwalon ka haal puchhne ki fursat kise hai?
Ab doston ke saath kabhi firte kyu nahi?
Salary hazaaron ki phir bhi dil bahelte kyu nahi?
Messenger ke through toh touch me hai,
lekin baaju wale cubicle me kaun hai jaante tak nahi.
Credit Cards ke calls ki din bhar bharmaar hai,
Lekin jigri dost se kuch lamhe baat, ye azaadi kahan hai?
Kab shaam ko apna room dekha tha yaad hai?
Shaam ko office se bhaag jaane ka, wo bahana kya hai?
To Dosto Projects ki is daud me daud ke karna kya hai
Jab yahi jeena hai to phir Marna kya hai?